要讲野生捕获明星艺人，周润发当然系首位，基本上当你搭港铁、小轮、巴士甚至飞机，又或者只系靠两只脚行路，都一样有机会撞到发哥！至於成日畀人野生捕获嘅女星，当然系张栢芝！
无论栢芝在香港、日本、新加坡又或者内地，都一样被网民当场生擒，今次栢芝就唔系被人影到同两个囝囝，而系喺外地一个人搭地铁。一身红当当嘅栢芝，无论件衫、手机壳、滑板同指甲都系满江红，狂玩手机嘅佢完全冇理到其他人，任人狂影，不过就有大量网民表示惊叹，话栢芝身为两子之母，点解皮肤依然白白滑滑，仲话肯素颜出街，真系唔系个个女星都够胆之外，仲畀咗个称号栢芝，就系叫做「颜霸」！
另外一个估唔到嘅系，栢芝原来锺意玩滑板，连着住嘅T恤都疑似系板仔最爱嘅名牌，栢芝真系好鬼型！
微信beemom-job 蜜蜂妈妈 专门为妈妈找工作的地方
